एक तांबडा भोपळा
विळीवर कापला
त्याच्या उभ्या फोडीमध्ये
अर्धचद्र लपला..
एक तांबडा भोपळा
उन्हात वाळवला
पाठीवरती बांधून
बाळ्या पोहू लागला..
एक तांबडा भोपळा
तंबोऱ्याला लावला
कुणी तारा छेडताच
साथ करू लागला..
एक तांबडा भोपळा
पाय लावले त्याला
गेला टुणुक टुणुक
घेऊन म्हातारीला..
एक तांबडा भोपळा
कुठं होता पळाला?
गणिताच्या पुस्तकात
जागोजागी मिळाला.
- पद्मिनी बिनीवाले
वरील कविता कराओके संगीतवर ऐका खालील बटणावरून...
व्हिडीओ
कराओके
Tags
दुसरी मराठी कविता