गायन केलेली कविता
कराओके कविता
Music 4 3 2 1
पोर डोंगराव भाळली त्याच्या नादी लागुनिया,
आख्ख्या रानात पांगली, पोर डोंगराव भाळली
Music 4 3 2 1
रानगवताची फुलं, तिच्या कानामंदी डुलं
अन् चाईचा मोहर, गळ्यामंदी गळसर
अहो टंटणी फुलली, तिच्या नाकामंदी फुली
अन् बुरांडीची फुलं, तिनं केसात माळली
पोर डोंगराव भाळली, त्याच्या नादी लागुनिया,
आख्ख्या रानात पांगली, पोर डोंगराव भाळली
Music 4 3 2 1
पोर माळावर खेळली, अन् वाऱ्यासंगं बोलली
वड-पारंबीचा झुला, तिचा गेला आभाळाला
पानसाबरीचं बोंड खाल्लं, लाल झालं तोंड
अहो हसता हसता, मऊ गवतात लोळली
पोर डोंगराव भाळली, त्याच्या नादी लागुनिया,
आख्ख्या रानात पांगली, पोर डोंगराव भाळली
Music 4 3 2 1
गाई दांडाच्या वाटानं, चाली यंगत नेटानं
ढोल ढगांचा वाजला, नाच मोराचा पाहिला
आली पाऊस पहाळी, तवा गडदीक पळाली
पावसानं भिजवली, तरी उन्हात वाळली
पोर डोंगराव भाळली, त्याच्या नादी लागुनिया,
आख्ख्या रानात पांगली, पोर डोंगराव भाळली
कवी - तुकाराम धांडे
संगीत व निर्मिती
श्री. प्रवीण डाकरे व श्री. जयदिप डाकरे
खालील बटनाला क्लिक करून कविता ऐका. सराव करा.
गीत गायन - प्रविण डाकरे
वरील कविता खाली संगीत ट्रॅॅकवर सराव करा.
Tags
तिसरी मराठी कविता
Divya Shankar canavan
ReplyDelete